Bygger på NFF sine Spelereglar og retningslinjer for spel på små baner

ANTAL SPELARAR

• Det vert anbefalt ein spelartropp på maks fem spelarar pr lag. Ein nyttar tre spelarar på kvart lag samstundes.
• Kampane spelast utan keeper. NB! Vi oppmodar lagleiarar til å passe på at ingen av spelarane blir ståande «som keeper» framfor eige mål.
• Spelarar kan byttast inn når som helst (flygande innbytte).
• Dersom eit lag leiar med fire mål eller meir, kan motstandaren sette innpå ein ekstra spelar.

BALLEN I OG UTE AV SPEL

• Ball utover sidelinje – set i gang med innspark ca 1 meter frå vantet.
• Ball bak mållinje – set i gang med målspark ca 1 meter frå mål. NB! Ingen hjørnespark.

FRISPARK /DØDBALL/AVSPARK

• Avspark frå midten når kampen startar, og etter scoring. Ein kan ikkje score mål direkte frå avspark.
• Alle frispark er indirekte – frispark i målgården blir trekt 5 meter ut. Dvs ein dømmer ikkje straffespark.
• Vi dømmer frispark når ein spelar
• feller ein motspelar
• held eller dytter ein motspelar
• tek ballen med handa (med forsett)
• gjer noko som kan vere farleg for dei andre spelararane
• held seg i vantet med hendene for å oppnå ein fordel
• Alle former for sklitakling – også skliing for å blokkere ball – er forbudt.
• Dersom ballen blir låst fast lenger enn 5 sekund, t.d. mot vantet, dømmer ein dropp på midten av bana.
• Ved alle dødball situasjonar (avspark, frispark, innspark, målspark, dropp) skal motstandar vere minimum 3 meter frå ballen.

Gode haldningar er viktig å lære frå starten av, difor står FAIR PLAY i høgsete! Hugs at det er ungane som speler og dommarane som dømmer (veileder).